QËLLIMOR

Që lidh një fjali të varur, e cila tregon qëllim, me një

fjali drejtuese (për lidhëzat që, me qëllim që, në mënyrë që);

që lidhet me lidhëza të tilla dhe tregon qëllimin e veprimit të

shprehur në fjalinë drejtuese (për fjalitë). Lidhëz qëllimore (p.

sh. Doli që të blejë disa libra). Fjali qëllimore (p.sh. Që të dish,

duhet të mësosh).

QËNDRUESHËM

Tog i qëndrueshëm, togfjalësh, gjymtyrët e të cilit kanë lidhje

të ngushta kuptimore dhe që përdoret e riprodhohet i gatshëm në të folur.

QIELLZOR

Që shqiptohet duke e mbështetur shpinën e gjuhës te

qiellza e fortë (për bashkëtingëlloret). Bashkëtingëlloret

qiellzore q, gj.

QIELLZORE

Tingull që shqiptohet duke mbështetur shpinën e gjuhës te

qiellza e fortë.

Qiellzorja q.