Fjalori i insekteve/ kandrrave

Fjalori i insekteve

GËRTHAP
Kandërr me dy grepa të fortë si brirë përpara e me dy palë krahë, që rri nëpër zgërbonja drurësh.

GRERËZ
Kandërr si bleta, po me trap më të vogël e më të hollë, në ngjyrë të verdhë e me vija të zeza, që ka një thumb helmues; arëz. Grerëza e kumbullës (e dardhës, e mollës). Fole grerëzash. Thumbi i grerëzës. E thumboi (e pickoi) grerëza.

GALABUN
Krimb mëndafshi që nis të bëjë fshikëzën, por nuk arrin ta mbarojë.

GLISTËR
1. Krimb unazor në ngjyrë të mishit që rron në vende me lagështirë, në pleh etj. dhe që zakonisht del pas shiut, krimbi i tokës, krimb shiu; karrem.
2. Parazit që jeton në zorrët e njeriut a të kafshëve, rre. Glistrat e zorrëve.

GUCIMACË
1. Krimb që e ka trupin të mbuluar me qime të shkurtra e të rralla, në ngjyrë të gjelbër me pika të zeza e me dy vija të verdha për së gjati, që ha e dëmton sidomos gjethet e lakrave.
2. Vemje, dhemizë.

GYPOR
Që ka trajtën e një gypi; që ka të bëjë me gypin, që i përket gypit, i gypit. Krimb gypor.

GËRSHËRËZ
Insekt i vogël, me trup të hollë e të gjatë në ngjyrë kafe të errët, me bishtin bigë e me dy brirthë në kokë, që ushqehet me pemë e sidomos me rrush.

Fjalori i insekteve

Comments
All comments.
Comments

  1. erza

    fjalor vertet i mire